| ანა კალანდაძის ლექსებიდან თუშეთზე * * *
აი, წითელი ჩიღოს კლდეები,
იშვიათად რომ დაუდგამს ფეხი...
ღრუბელთა ქვემოთ კლდე-უფსკრულები...
ტრიალებს ბეხვნე, ტრიალებს ბეხვნე... ბრწყინავს ომალო თევზის ქერეჭით,
ცისფერ ყვავილთა ტბები ბზინავენ...
დემონის ფრთებით ქრის უფსკრულებზე
პატარა ბიჭი - ჩვენი მფრინავი. გადავიარეთ გრძნეული ნივრე,
წერტილად მოჩანს კლდეების ეხი...
ღრუბელთა ქვემოთ ბრუნავს ომალო,
ტრიალებს ბეხვნე, ტრიალებს ბეხვნე...
|
